აღმოაჩინეთ ცოდნის სამყარო ონლაინ სწავლებით

ჩვენი მოქნილი სისტემა საშუალებას აძლევს მოსწავლეებს ჩაერთონ სწავლების პროცესში მსოფლიოს ნებისმიერი წერტილიდან. ჩვენი ონლაინ სწავლების პლატფორმა მარტივია ნავიგაციისთვის და მოსწავლეს წვდომა აქვს ყველაფერზე, რაც მას სჭირდება შესასწავლად, იქნება ეს მასწავლებელთან პირდაპირი დაკავშირება, საშინაო დავალების წარდგენა თუ ონლაინ გაკვეთილებზე დასწრება.

ონლაინ სწავლება არ ნიშნავს ყველაფრისგან და ყველასგან იზოლაციას. ყველაფერი ხდება ბუნებრივად ისევე, როგორც ჩვეულებრივ ფიზიკურ საკლასო ოთახში: სტუდენტები იყენებენ ინტერაქტიულ დაფას, ჩატს და მიკროფონს მასწავლებელთან და ერთმანეთთან კომუნიკაციისთვის. თითოეული გაკვეთილი გრძელდება 45 წუთი და მასწავლებელი, რომელსაც კლასში მაქსიმუმ 10 სტუდენტი ჰყავს, ინდივიდუალურ ყურადღებას უთმობს თითოეულ სტუდენტს.

ყოველი გაკვეთილის ბოლოს, სტუდენტებს ეძლევათ საშინაო დავალება, რათა უკეთესად შეძლონ განხილული მასალის გაგება. ჩვენი მასწავლებლები მუდმივად აკვირდებიან თითოეული სტუდენტის პროგრესს, პასუხობენ მათ ყველა კითხვას როგორც გაკვეთილების მიმდინარეობის დროს, ასევე ონლაინ სწავლების პლატფორმაზე, რათა დარწმუნდნენ, რომ სტუდენტებმა ნამდვილად გაიგეს ახსნილი გაკვეთილი. ჩვენ მაქსიმალურად ვიყენებთ სასწავლო პოტენციალს ტრადიციულ ფიზიკურ სკოლაში არსებული ყურადღების გამფანტველი ფაქტორების შემცირებით და ამიტომ მთელი სასწავლო პროცესი საინტერესო და მიმზიდველი ხდება.

კემბრიჯის სასწავლო გეგმა ყველა მოსწავლეს, მათ შორის მათ, ვისი მშობლიური ენაც ინგლისური არ არის, მრავალფეროვან სასწავლო გზებს სთავაზობს. სულ რამდენიმე თვეში ჩვენ გთავაზობთ ინტენსიურ სასწავლო გეგმას, რომელიც სპეციალურად შექმნილია იმისთვის, რომ მოსწავლეებმა თავისუფლად იკითხონ, წერონ და ისაუბრონ ინგლისურად. მოსწავლეებს ასევე აქვთ შესაძლებლობა მონაწილეობა მიიღონ ადგილობრივ და საერთაშორისო სამეცნიერო შეჯიბრებებსა და ოლიმპიადებში, როგორიცაა ფიზიკა და მათემატიკა.

გამოცდები

ყველა სტუდენტს, რომელმაც დაასრულა შესაბამისი კურსი, შეუძლია ჩააბაროს გამოცდები, როგორიცაა Cambridge International GCSE ან Cambridge International AS&A Level. მიუხედავად იმისა, რომ სტუდენტებს შეუძლიათ სახლიდან ონლაინ სწავლა, გამოცდების ონლაინ ჩაბარება შეუძლებელია. გამოცდების ჩასაბარებლად, სტუდენტი უნდა ეწვიოს კემბრიჯის საერთაშორისო გამოცდების რომელიმე ცენტრს - 10,000 ცენტრი განლაგებულია 160 ქვეყანაში (თბილისში ასეთი 4 ცენტრია).

ჩვენ მოგაწვდით ყველა საჭირო გამოცდის კოდს, საგამოცდო ცენტრების მისამართებს და ასევე ნებისმიერ სხვა ინფორმაციას, რომელიც დაგჭირდებათ თქვენი შვილის კემბრიჯის გამოცდებზე რეგისტრაციისთვის.

აკადემიური კალენდარი

დიდ ბრიტანეთში აკადემიური წელი სამ სემესტრად იყოფა:
შემოდგომის სემესტრი (სექტემბერი-დეკემბერი)
გაზაფხულის სემესტრი (იანვარი-მარტი)
ზაფხულის სემესტრი (აპრილი-ივლისი)